Eenguhudana

Omukalimo womomukunda Endola moshitukulwa shaHangwena, Jona Shiweda, ota ti vati okwa kengelelwa kumumwaina Wilbard Martin konima eshi vati a landifa po edu laye.

Omukulupe womido 86 vati okwe likufa omwenyo eshi e limangeleka mEtitano la dja ko.

Oshivilo shomaudano oo taa ka kala mOshitukulwa shaHangwena osha djuuka ko.

Uuministeli wuuhaku nonkalonawa opamwe nuuministeli welongo oshiwike sha zi ko owa dhimbulukwa esiku lyomathimbo gaakiintu. 

Omupopiliko welelo lopamufyuululwakalo lOukwanyama Andreas Naikaku okwa holola enyeme laye ponhele yelelo alishe laUkwanyama kombinga yediladilo la ningwa komhangu ya shiya ko yoSupreme Court, opo omashenge a tambulwe ko moNamibia. 

Oministeli yoilonga noiyendifo oya yandja eemiliona N$35 opo di dule okulonga opate oyo ya kwatafana nopate ya dja kOutapi fiyo okOkahao ya uka kOmugulugwombashe.

Ester Nuusiku (55), oo e li omukalimo womoWindhoek, okwa ti oshitalenti shokulongifa omake aye oshe mu etela oiyemo novaneumbo laye. 

Mayola wodoolopa yaShakati Leonard Hango okwa tonga kutya omauliko opaipindi aShakati oku na okuningwa neudo muDesemba. Okwa weda po yoo kutya odoolopa oya ninga eedula nhatu inai ninga omauliko opaipindi molwoCorona Virus.

Omukulupe weedula 102 okwa fya efyo linyanyaleka konima eshi a pila monduda yaye yokunangala pefimbo kwa li vati ta shili omakaya.