Eenguhudana

ONGWEDIVA – MEtitatu lyoshiwike sha zi ko, ombelewa yoshikandjohogololo shaElim oya li ya gandja nokupatulula uundjugo 41 koshigwana, uundjugo mbuka otawu ka kwathela aantu ye vule po 500 momukunda Ontanga.

Ofamili tayi mono iihuna molukanda lumwe lwoombashu moshilandopangelo, otayi hupu nuudhigu. Ofamili ndjika ohayi hupu ashike mekwato lyooN$250 lyepangelo noya ikolelela maashiinda osho wo mAasamalia aanamutimahenda. 

Omunamimvo 41, okwa mangwa po kopolisi moshitopolwa shaMusati sho a fike po oondunda dhomwiidhi dhi li hamano, ndhoka dha langata po thiluthilu Osoondaha ya zi ko.

Oombelewa oonene dhoshitopolwa shaShana - Oshana Regional Council, odha pata pakathimbo okuza ohela, sho gumwe gwoomaniilonga a monika omukithi gwoCovid-19.

Omukiintu gumwe mOshikandjohogololo Outapi okwa taambelwa moshipangelo sho anuwa a a ningi omasiku ta tukagulwa kuKansela gwayo Fillemon Shikwambi 

Opolisi moshitopolwa shaMusati oya mangapo aalumentu yeli yaali yomimvo 64 shoya a dhika nuupakate wuna iingangamithi yongushu yi vule N$ 30 000 Etine lya ziko.

Omulumentu ngoka a li a monika mokavidio komalungula gwopaungomba ta dhenge omuniilonga omukiintu gwomositola yedhina Pick n pay yokoGrove Mall mOsoondaha osho a mangwa e ta holoka mompangu yamangestrata moWindhoek ongula yohela.

WALVIS BAY -  Omukiintu gwomoSwakopmund okwa li a tala ko sho okamona ka si omeya mOlyomakaya komatango sho ka li ka faalelwa kekuthiikuthi enene pomukunkulofuta.

Elelo lyopamuthigululwakalo lyUukwaluudhi olya mbendeka aalumentu yaali omageelo ya fute kehe oondoongi omugoyi nenge ya fute oshimaliwa shooN$14 000, mbaka yaali oya li ya monika ondjo mokuyaka oondoongi hamano dhaantu ya yooloka.

Ehangano li na sha netonatelo lyoondjila lyedhina Road Authority (RA) olya patulula ondjila onene ndjoka ya za kOkatana ya pita mEndola okuya kOnhuno sho ya mana okulongwa.