Eenguhudana

Ohamba yOvakwanyama Martha Kristian Mwadinomho Nelumbu okwa kumaida ovanafikola ve lihonge noudiinini momakonakono avo axuninwa.

Omukwatelikomeho gomauliko giipindi gaShikuku Parastus Nepolo okwa ti uunafalama owo onakuyiwa, sho ooshoka taya longekidha omauliko guunamapya gokomumvo ngoka tagaka kala ko okuza momasiku 24 Okotomba notaga ka hula momasiku 29 Kotomba nuumvo.

Omunafikola weedula 21 okwa xulifa eshi a lyatwa kotuwa oyo vati ya hanga a nangala mopate.

Omukulunhuwiliki wehongo moshitukulwa Ohangwena Isak Hamatwi ota ti ovanafikola mOhangwena ove lilongekida okushanga omakonakono a xuuninwa unene tuu ondodo 11 nonhi-12.

Nonando epangelo olyi na omahala ge li gahetatu gokuwe edhi l i la aanona naamboka ya taalela onkalo ondhigu moshilongo, omahala ngoka oga taalela omashongo ga yooloka.

Opolifi moshitukulwa shaKunene otai konakona oshibofa shomahepeko omomaumbo omo okaana kokakadona keedula mbali vati haka dengaulwa kuina mumwaina waina oo e li omutekuli wako.

Ovanangeshefa vahapu, mwa kwatelwa vamwe tava di kondje yoshilongo otava ka kufa ombinga komaulikilo oipindi aHelao Nafidi.

Omupopiliko wopolifi moshitukulwa shaHangwena Sergeant Andreas Nghiyolwa okwa ti ovanhu onghee tava twikile nokuninga oihakanwa yokutulwa mokatoo nokukanifa omaliko avo.

Aaleli aakuluntu yiilongo iyali Angola naNamibia, oya yi mo mutumba gwopambili Omandaaha moka ya li ya kundathana omaupyakandhi nomauwananwa ga yama kiilongo ayihe iyali, oshowo nkene ye na okutsikila okulongela kumwe noku kaleka po ombili.

Mexuliloshivike omwa lopotwa ovanhu vahamano ve likufa eemwenyo nomulumenhu umwe weedula 22 kwa li ta kendabala oku li kufa omwenyo konima eshi a nwa oudio.