Ministeri, kai!ā tsî !garo!ā omkhâisens dib, Erastus Uutonib, ge !hūb a ǂhabase hâ !hao!nāsi ǂgaeǂgui-aona ra ǁgoaǂui, ǁawoǁawon nî !khaisa, ǁîn !hao!nāsi ǂhanugu !gāsa tsî ǁnâu!āhe ǁkhā ǀgaub !nâ !khō!khunis !gûǁnâǀgauga xoamâi hâsa, in nēs !nâ-ū !khō!khunis hîa danadanakhoe-i tamas ka i o !hao!nāsi ǂgaeǂgui-ao-i ra ǁōǂoa ǁaegu !nâ ra hâ toa tama ǁnâusāgudi tsî ǂkhawaba toa.
!Hūb di ǁûb, Hage Geingob ge ǂâi!nâǁgui ra ǁguiri-aona ǁnāti ī ǁawosasiba ge mā, Namibiab !nâ hā ǁguirisan tātsēs tsîna !hausen tidesa.
Sada !hūb ra ai!gû garu Covid-19 di ǀnî hâs xa ǁnāǂamhe soab ain ge ǀgui sâǁaeb !nâ 129 skolǀgôana positifse nē ǁōsa ra !âihe, ǁkhātib nē !gôaba ǀhaehe rasa !oa wekheb tsēdi !nâ ge ǂharose. Nē !gôab ge ǁgau!nâs ministeris di dana sîsenǂuira direkters Sanet Steenkamps x age mā!kharuhe.
Ministeris ǀGapi ǁGau!nâs, Texnoloxib tsî ǀAsa ǂâiǂuiǀgaugu di ministers, Itah Kandjii-Murangis, ge ǀnîkhami kō !gôab khoen hîa sao ra ǂnûiǂgādi danana ge !khōǂgā hâ in, Namibiab ǁKhāǁkhāǂuisende ra mûǂam ǂNûiǂgās (NQA), Namibiab ǀAwemā!nans ǀGapi ǁGau!nâs dis tsî Namibiab ǁKhāǁkhākhâide ra mûǂam ǂNûiǂgās (NTA) hân ǀkha ǁGau!nâs di Hoa !Hūbaisi ǀHaos hîa Londoni, United Kingdommi !nâ ǂnôas !nâ ge
Daogu ǂGaeǂgui!nans (RA) ge ra ǂgom, Namalubi-Isize-Luhonono daob, 52 kilometerga ra Zambezi ǀkharib !nâ !khoeb di ǀhui-amhes nē ǀkharib !aroma kai ǂâibasens tsî harebesa !khōǂgā hâsa.
Tsoaxubams !ā!nāsi ǀawemā!nans ge ǂgaeǂgui ra ǂhanub tsî ǂan!gâsa nē omdi ǂnuwihes !nâ gere ǀhuru !âǀhuru-aon ai ge ǂgan, in oresa ǁaupexa a 290 omdi, hîa ǂgui ǀnōb ai ǂam ǂganǀgauba ūhâ omde oms, di !âse Tsoaxubams !nâ omtoahe tamase māde, hâ!nâdi a mâsib !nâ ǁanǂgāsaben ai ǁamaxu.
!Gaeǁnâxas, Tses, ǁKhūta!hoas tsî !Autsawises di ǁanǂgāsaben ge pirin, ǂnuwiǀuidi ra kuru-ūhe masindi, sementn tsî aniǂgarib sîsenūxūn hîa ǀhaob ai N$100 000 ǁkhāsiba !khōǂgā hâna, !Autsawises ǂgiǂgosi ǀawemā-aob, Jeremias Goeiemani di berosa xu ge !khō!oa.
Hūb di !narisarimas ǂharugub ge Suid Afrikab di supusupus Covids ǁkhaedi !nâsa kai huib !narisarimasa ǁkhawa ǀomkhâi kais dis ase Afrikab !Khawagas !nâ tsî !gōsase, Namibiab !aroma ra mû.
Namibiab ǁGuiris ǀHaos ge 23 ǀKhūǁkhâb 2022 ai, !Hūb ǁûb, Hage Geingob di !khōdanas !naka, United Arab Emerates di Dubaib !nâ mâ Grant Hyatt Hoteli taw age hâ i.
ǂNamipeb !ûi!gâs tsî !narisarimas ministeris ge, !aubǀguruna !ûis di ǁgûtsâdi ase, mâtikō xamarin Bwabwata !Hū!nāsi ǀGuru!hanab ǂnamipe a !auhe ǁkhāsa ge mā, Kyaramacan !Gaeǁares ǁanin hîa ǀguru!hanab !nâ ǁan hân !aroma.