Khoekhoegowab

Ministeris Sîsengu tsî !Nari!oabadi ministeri, John Mutorwab ge aoǁguiba go dī, î gu ǀnî administrasis ǀkha a dīxūxa !âga ǀkharigu di ǂhanub auton!khaigu !hūb a ǂhawase hâgu tawa dīhe tsî ǁaeb ai tsî ǂhanuse sîsenna dīsa īǁkhā kai. 

Marikurib hîa !Khanǀgôab 2022 !nâ ra ǀammi, !aromas ge Agribanksa N$173 miljunsa ǂgarib tsî !hanaǂgāb !âb !aroma ǀkhuwis ase māǂui hâ.

ǀAeǁgams Sentral ǀAeǁgâub di !âb mûǀae!khōs dib di dana tsî ǁkhāti a SEE !Auga!hūsi sîsenǁare-aos tsîna ī, Dr Ndume ge ǀaweǁguiba !oa ǁnāti ī ǂan!gâs hōdawasa 104ǁî Lions ǀHûs !Auga!hūsi ǀHaos hîa nē kurib Gamaǀaeb !nâ nî hâs tawanî !khō!oa.

Koper-i ǂganǀgaub di ai!gû rase ǂharos hâ hîab !narib nē daran diba a ǀgaisa !khais ge ǂharugub ǁnâu-tsî-!hoaǂharugus !âb diba ra !khom!nâ. ǀAwa!namn ge a ǁaxa ǁîn ôa!nâdi ǀkha nēti ī !narib !nâ ra ǀhapimāsen khoena !khōsis !nâ ū tsî nē ǁkhoaxa tama mâsiba ǀamǀams ǁkhoreba dīǀoaǀoas ǀkha. .

Ministeris !Hū!nāsi ǁHōn dis ge !auga!hūga xu ra Namibiab !nâ ǁkhāǁkhāsen studentna, ǁkhawa ǁkhâb ǁaeba go mâǀaro ǁîn ǁkhāǁkhāsendi !aroma a ǂgaoǀkhāsa permetde ǂganamsenbas !aroma. ǀUniga tsēs nē permetdi ǂganamsendi dis ge ge 28 !Khanǀgôab di i, xawe 31 ǀKhūǁkhâb 2022 dis kōse ge ǀarohe. Mâiǂuis permetdi ǂganamsende māǂgās dis ge ǀnai ǂoa ge kurib di 12 ǀHōǂgaeb dis ai ge tsoatsoa tsî nē kurib 2

Ministeris Sîsengu tsî !Nari!oabadi ministeri, John Mutorwab ge ǁîb di ǂkhîo!nâsiba ǂgaeǂguis tsî sîsenaon !kharaga ǂhanub auton!khaigu !hūb a ǂhawase hâgu din di sîsenǀgaub !oagu ǀgaisase ge gowaǂuisen.

ǂHanub ge hoa ǀgôan di skolǂgâs ǂhanuba īǁkhā kais, sao ra xrats ǁga !kharus tamas ka i o soasa skol-i !nâ ūhâs !aroma mîǁguisa tsî ǁgui-aisa skolmarisa mātaresa 2013ǁî kurib !nâ ǂam skolgu tsî ǀgapi skolgu tsîn !nâ ge ūbē. 

Skolǀgôan tsî ǁgau!nâ-aon Havana Projek Sekondere Skoli, ǀAeǁgams di Havana ǁanǁguib !nâ ǀasase ge omhe tsî noxopab ǀoasase dītoahe tama xawe a doeǂgâ!heb din ge kaise dâxaǂgaogu xa ǀoa hâ. 

ǁAnǂgāsaben !garo!ā ǁanais, ǀAeǁgams !Garo!ā ǁhûi!nâǂharis din ge ǀkhommasa ǂhanub ai ra dī, îb nē ǁanais di ǀoasa !ereamxasiba ū, in ǁîn tsîna omkhâisens ai !ammâisa projekn !nâ !â ǁkhā. 

Angolab di Cuando Cubangob ǀkharisi mûǂamaob, Jose Martinsi ge ra mî, ǁaerob ǀgaiba ǂganams nē !hūǀgoras dis ge ǀaokhoen hîa nē ǀgam !hūkha ǁaegu ra hâmana kai ǁgoaǂuis ase ība tsî !gomma a tsâ kai !khaisa.