Aanyasha oya holola okwaauva nawa kwawo sha landula sho ombelewa yomahogololo yaNamibia, Electoral Commission of Namibia (ECN) ya tseyitha kepandja lyayo lyoFacebook kutya oya tameka okudhengela mboka ya hogololwa ongaanambelewa yomaishangitho momahogololo tu uka.
Uuministeli wuuhaku nonkalonawa owa ti, oshipangelo shopashikandjo koWindhoek tashi tungwa kolukanda Havana osha tengenekwa okupwa okutungwa momumvo 2027.
Aakalimo yomoshitopolwa shEvululuko mOshakati otaya ka longitha omayakulo gamuni gondoolopa yawo gwokupomba onyata oshali uule womvula yimwe konima etungo loopiyapi ndhoka hadhi pomba onyata dha pu kutulwa mo.
Oshilyo shopaliamende Natangwe Ithete otashi popile ekuthepo lyomusinda omutiligane opo ku kwashilipalekwe kutya aanafalama mboka ye li kondje yomusinda omutiligane oye na ompito mongeshefa yiimuna.
Opolisi moshitopolwa shaShikoto oya waimine ofamili yokamatyona komimvo 17, Titus Kateta, ngoka a kana mOsoondaha ya si ko.
Oshikondo shuuhaku moshitopolwa shOtjozondjupa melongelokumwe noprogalama yi na na sha nokukeelela eposipalo oshi li metifa moshipangelo shaGrootfontein okupanga aamvu yomeho ye li 450 ya za kiitopolwa Kunene, Omaheke oshowo momundhingoloko gOtjozondjupa.
Oshikondo shuuhaku moshitopolwa shaShana osha tokola shi fandithe po iiyenditho ya teka mbyoka ya kala oomvula odhindji konima yoshipangelo shaShakati.
Aalandithi momatala gaNgwediva oya hala elelo lyondoolopa li ya pitike ya landithe omalovu oshoka ohageeta aalandi.
Omuulukwa presidente wongudu yoSwapo Netumbo Nandi-Ndaitwah okwa koleka elilongekido laye oku lela Namibia ngeenge okwa di mo mohoololo oo taa ka kala ko muNoveba2024.
Opolisi moshitopolwa shErongo otayi indile moshigwana ku kehe mboka ye na omukwanezimo gwawo kaye mu wete opo ya thike kopolisi yaWalvis bay.