Silozi

Mapokola mwasikiliti sa Zambezi, nebatamile bayahi banaha Namibia bababeli ni bayahi naha Zambia babane, kasamulaho akubaswala bazamaisa litapi basina mañolo.

Musizana nazusizwe kwasikolo sa buoki mwa Oshikango Lamubulo, kasamulaho maswaniso ahae ane aile ñuwa nangilwe kuba amaswe kisikolo. Hana bulela ni New Era musizana walilimo zelishumi kazelobañwi, Maria Edward naize nalelekilwe kwa sikolo sa baoki sa Alba Chipamba hala maswaniso (video) asweli kuikabelwa famakepe asicaba.

Likwambuyu wamakete Kalumbi Shangula ubulela kuli naha izwelapili kufumana kekezo yalipiho zamatuku asiozwa, mi naize mwalilimo liketalizoho zefelile lipiho zelikana 96 000 neli bihilwe mwalipatela zanaha kaufela.

NULL

Mayemo alihalimu akutezi hahulu fafasi ane ali mwahala -3˚C ni 2˚C, ane asindeketilwe kimoya omutuna, viki yefelile nasiile bayahi banaha Namibia bakuña, mi babasina maino neba taselizwe hahulu.

Likwambuyu walikolo la zwelopili ya libaka zalitolopo ni matakanyani Erastus Uutoni, ukupile baeteleli balitolopo kuambuka kuitwanisa nikundongwama kutisa zwelopili.

Baeteli mwa Zambezi bapakile Thaddeus Sinvula Malumo kuba ndwalume yana bapalile kalulo yetuna mwanako yandwa yatukuluho mwasikiliti sa Zambezi.

Bayahi ba Aus, Luderitz, Rosh Pinah ni Orangemund nebataselizwe ki pula ya maliha, yene taha ni kubata ni moya omutuna mwalibaka zeñwi zasikiliti sa //Kharas viki yefelile.

Sikolo sa Masikili sesi fumaneha kwanda sikiliti sa Zambezi nesifumani neulo ya mapurinta amabeli kuzwelela kampani ya 26 Media, hamoho cwalo ni neulo ya liheta zezamaya sibeli zelishumi, kuneulela baituti babashebile kuzwelela ku Nadia Mushabati.

Mapokola mwasikiliti sa Oshana basweli kubatisisa taba yabusholi kakusebelisa bupumi, kasamulaho musupali ukulubelwa kuli naputelezwi masheleñi alikana N$116 000 kiñaka.