Silozi

Nyakalalo nebonahalile mwamakululu aKatima Mulilo ni sikiliti kaufela sa Zambezi Lamubulo, kasamulaho akukuta kwasikwata sa mbola ya mautu sene situzi mwakomoki ya mutende waNamibian ya 2022.

Musali yana latehezwi kimbututu yahae nakonyana kasamulaho akupuluha kwasipatelanyana sa Onesi mwasikiliti sa Omusati, ubulela kuli kutokwa pabalelo kwabaoki nekutisize lifu la mbututu.

Muuna walilimo zemashumi amalalu kazetalu, natimezi kasamulaho akuwa fambongolo yana kwezi Labubeli kanako 11h00, kwamunzi waSikarosompo mwasikiliti sa Kavango ya Wiko.

Muyemeli wababa nyaziwa mwamuzeko wabukwenuheli Jorge Neves uzibisize muatuli swalelele mwa Khuta Yepahami Petrus Unengu, kuli ubata kuitiulula mwamuzeko wabasupile baba sialezi mwamuzeko wabukwenuheli, ili omutelele isamba mwalitaba zanaha Namibia. 

Mapokola mwasikiliti sa Kavango ya Wiko neba patuluzi kezo yabusholi bwa likomu. Sikiliti sani sitalimani niku ekezeha kwabusholi bwa likomu, mi sicaba sikupile mapokola kusebeza katata kuswala masholi baba feza likomu.

Namibia ikwalile tekiso yalikomu zepila mwanaha South Africa, kasamulaho akuzuha kwabutuku bwa taku ni mulomo mwanaha yani. 

Balekisi bamwamakululu mwa Katima Mulilo babilaela kasamulaho akutibelwa kulekisa mwamakululu aKatima Mulilo kikatengo katolopo mwakezo yebanga kuli nesiyo hande.

Baeteleli basizo mwa likiliti za Zambezi, Otjozondjupa ni Kavanga ya Upa babilaezwa kilitifo zebafumana kwamubuso. Kanako yacwale base bakupa muuso kutalima taba yakuekeza litifo zebafiwa.

Katengo kaCaprivi Concerned Group (CCG) kasotelize mubusi wanaha Botswana Mokgweetsi Masisi ni yomuhulu wasisole sahae kwakhuta yetalima zabubangoki bwalifasi (ICC), hala mafu amandui babane mwasilimo sa 2020, mwamazoho amasole banaha Botswana (BDF) kamaikuto akuli neli nebazuma isi kamulao.

Baituti mwasikiliti sa Zambezi babakula meeto bakafumana tuso hala mulelo wakatengo kaSanlam mwamulelo wakubata kutahisa ncincano yapono.