OSHIKUNDE – Mueteleli wa naha Hifikepunye Pohamba na fitisize maikuto a hae a kusatabiswa kikamo muluti yo muhulu wa sikolo sa Haihambo Primary School, Rosalia Ndamanamhata na zwiselizwe fa sikolo. Pohamba u supelize kusatabiswa ki mukwa wo nako ya nakwalula simubuso sikolo sesinca sa libizo la Dr Abraham Iyambo Secondary School mwa sikiliti sa Ohangwena mwa silalanda sa Ohakafiya la Bune. Likolo la Tuto nelizwisize Ndamanomhata mwa Ofisl lilimo zetalu zefelile, ni kumushimbululela kwa ofisi ya silalanda, kalibaka la litaelo zenefilwe ki sichaba sa silalanda sesiyemela kopano ya SWAPO.
Pili a sika shimbululelwa kwa Ofisi (Ohakafiya circuit), sichaba neba ezize liponiso kwa sikolo, seo sifumaneha kwa munzi wa Omutwewo-munhu mwa sikiliti sa Ohangwena, taba yenetisize ku kwalwa kwa sikolo, ka likupo za kuli Ndamanomhata a shimbululwe fa sikolo. Sichaba nesikalile ku laela kuchinchwa kwa yo muhulu wa sikolo nako yeo mueteleli wa kopano ya Rally for Democracy and Progress (RDP), Hidipo Hamutenya ha neulela sikolo libyana za kuyahisa sikolo. Hamutenya na potezi sikolo kuyo neula lisebeliso zeo mi nasindeketilwe cwalo kibalikani bao nibona nebakile ba neulela sikolo bolule ba mashelenyi. Pohamba na ize, haboni mafosisa kwa neulo ya libyana za sikolo, nikuli maňi ni maňi u swanela kulukuluha kuneulela sikolo, kubona feela mutu ya cwalo hasusuwezi banana kazalitaba za naha kuli ba swayele kopano ya hae ya naha.
Ndamanomhata u sasiyezi kuba muluti yo muhulu wa sikolo sa Haihambo, sina ba likolo la tuto a neba mukutisize teni, kuzwa nako yekuswani yeo ya naizo feza kwa ofisi ya silalanda kwa nasina musebezi wa naeza. Likwambuyu wa tuto, Dr David Namwandi ni mueteleli wa sikiliti sa Ohangwena, Usko Nghaamwa ni bona nebali teni kwa kukwalula sikolo sa Dr Abraham Iyambo Senior Secondary School la Bune. Sikolo sibeilwe libizo la nyandi Dr Abraham Iyambo, yeneli likwambuyu wa tuto sapil.